Ötən gün saxlanılan Azərbaycan Demokratiya və Rifah Partiyasının sədri Qubad İbadoğlu ilə bağlı qərar verilib.

"dogruxeber.tv" xəbər verir ki, Nərimanov Rayon Məhkəməsinin qərarı ilə Q. İbadoğlu barəsində 4 ay müddətinə həbs qətimkan tədbiri seçilib.

***

Xəbər verdiyimiz kimi, Azərbaycan Demokratiya və Rifah Partiyasının sədri Qubad İbadoğlu saxlanılıb.

"dogruxeber.tv" xəbər verir ki, partiya sədri ilkin olaraq Cinayət Məcəlləsinin 204.1-ci (saxta pul və ya qiymətli kağızlar hazırlama, əldə etmə və ya satma) maddəsi ilə təqsirləndirilən şəxs qismində cəlb olunub.

Hazırda iş üzrə müvafiq istintaq hərəkətləri həyata keçirilir.

Q.İbadoğlunun gün ərzində məhkəməyə çıxarılacağı gözlənilir.

Cinayət Məcəlləsinin qeyd olunan maddəsi ilə təqsirləndirilən şəxslər 5 ildən 7 ilədək müddətə azadlıqdan məhrum etmə ilə cəzalandırılır.