Başlanmasından təqribən iki həftə sonra Yəmən sahillərində dayanmış sahibsiz neft tankeri Safer üçün xilasetmə əməliyyatının son mərhələləri başlayıb.

BMT-nin verdiyi məlumata görə, xam neftin 85%-dən çoxu Qırmızı dənizdəki Hudeyda əyalətindəki Ras İsa sahillərindəki alternativ gəmiyə uğurla köçürülüb.

BMT, 1,15 milyon barel olaraq qiymətləndirilən Safer gəmisindəki neftin təxminən 85%-nin ötürüldüyünü açıqladı, bu da xam neftin yalnız təxminən 15%-nin qaldığını göstərir.

Ekoloji fəlakətin qarşısının alınması məqsədilə iyulun 23-də Yəmənin Qırmızı dənizdəki strateji əhəmiyyətli Hodeyda limanından nəhəng, lakin xarab olan “Safer” gəmisindən yeni gəmiyə yükün çıxarılması prosesinə başlanılıb.

Yəmənin xarici işlər naziri Əhməd bin Mübarək bazar ertəsi BMT-nin Yəmən üzrə daimi əlaqələndiricisi və humanitar koordinatoru David Qressli ilə daha təhlükəsiz xilasetmə planının birinci mərhələsinin gedişatı və alternativ tanka neft nəqli ilə bağlı müzakirələr aparıb.

Nazir təsdiq edib ki, Yəmənin daimi humanitar məsələlər üzrə koordinatoru ilə görüşü zamanı ona məlumat verilib ki, “Safer” gəmisindəki neftin 85%-i uğurla yeni gəmiyə köçürülüb.

"dogruxeber.tv"ın Yəmənin "Səba" xəbər agentliyinə istinadən məlumatına görə, Mübarək layihənin həyata keçirilməsində və dəniz mühitinin ağır humanitar və iqtisadi nəticələri olan potensial fəlakətdən qorunmasında beynəlxalq və regional dəstəyə görə minnətdarlığını bildirib.

Yəmənli nazir həmçinin xidmət yönümlü rollarını bərpa etmək və humanitar böhranın şiddətini yüngülləşdirmək üçün səylərin gücləndirilməsinin, resursların səfərbər edilməsinin və dövlət qurumlarının həm yerli, həm də mərkəzi səviyyədə dəstəklənməsinin vacibliyini vurğulayıb.

BMT-nin məlumatına görə, 1,15 milyon barel xam neftin yeni gəmiyə təhvil verilməsinin təxminən 3 həftə çəkəcəyi gözlənilir.

Bu proses vasitəsilə BMT 143 milyon dollara başa gələcəyi təxmin edilən əməliyyatda təqribən 20 milyard dollar ziyan vura biləcək ekoloji fəlakət risklərinin qarşısını almağa ümid edir.

47 il əvvəl tikilmiş və üzən anbar platforması kimi istifadə edilən Safer Yəmənin əsas idxalının təxminən 70%-nin əsas qapısı kimi xidmət edən strateji Hudeyda limanından təxminən 50 kilometr aralıda lövbər salıb.

dogruxeber.tv
N.Məmərli