Bu payızda buraxılacaq Apple iPhone 15 Pro flaqman smartfonu Geekbench-də yüksək performans göstəriciləri nümayiş etdirib.

"dogruxeber.tv" lenta.ru-ya istinadən bildirir ki, test nəticələrini X (keçmiş Twitter) istifadəçisi NaveenTechWala dərc edib .

Fotoya əsasən, yeni iPhone 15 Pro-da istifadə edilən Apple A17 çipset birnüvəli və çoxnüvəli prosessor testlərində müvafiq olaraq 3269 və 7666 bal toplayıb.

GPU testinin nəticələrinə görə, smartfon 30 669 bal toplayıb ki, bu da Apple A16 Bionic çipsetli əvvəlki nəsil iPhone 14 Pro-dan 30% çoxdur. Bundan əlavə, yeni çip birnüvəli və çoxnüvəli testlərdə Snapdragon 8 Gen 3 prosessorunu müvafiq olaraq 47% və 15% üstələyib.

Bu nəticələrin reallığa nə dərəcədə uyğun gəldiyi məlum deyil. Rozetked portalının məlumatına görə, test məlumatları Geekbench verilənlər bazasında qeydə alınmayıb, ona görə də test nəticələrini təsdiqləmək mümkün deyil.

Bundan əvvəl eyni insayder Unknownz21 iPhone 15 Pro və 3,7 GHz-ə qədər tezlikli altı nüvə, altı qrafik nüvəsi və 6 GB LPDDR5 RAM alacaq Apple A17 çipinin spesifikasiyalarını dərc etdi. Sızmaya görə, çipset TSMC-nin 3nm prosesindən istifadə edilməklə istehsal olunacaq.

Daha əvvəl NEWS.am Tech xəbər vermişdi ki, yalnız iPhone 15 Pro və Pro Max ən son Apple A17 Bionic çipini alacaq. Bundan əlavə, iPhone 15 Pro-nun çox dar titan çərçivə alacağı məlum olub .

iPhone 15 smartfonlarının təqdimatı sentyabrın birinci yarısına planlaşdırılır.

dogruxeber.tv
Asiman Əsədsoy