Papua-Yeni Qvineyanın şərq sahilində 5,5 maqnitudalı zəlzələ olub.

"dogruxeber.tv" “Report”a istinadən xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Belə ki, yeraltı təkanların episentri əhalisi 76 mindən çox olan Lae şəhərindən 143 km şimalda olub.

Seysmohadisənin ocağı 216 km dərinlikdə yerləşib.

Dağıntı və ya tələfat barədə məlumat verilməyib. Sunami təhlükəsi elan olunmayıb.