Şengen vizası ilə əlaqədar keçən il edilən müraciətlər və vizadan imtinalar siyahısında birincilər arasında Türkiyə vətəndaşları olub.

"dogruxeber.tv" xəbər verir ki, Şengen ölkələri 2023-cü ildə ümumilikdə 8,49 milyon insana viza verib. Bu rəqəm göstərir ki, bütün müraciətlərin 82,3 faizi qəbul edilib. 2022-ci ildə qəbul nisbəti 78,4 faiz təşkil edib.

Bu il ən çox viza müraciəti edən ilk beş ölkə Çin (1,11 milyon), Türkiyə (1,05 milyon), Hindistan (966 min), Mərakeş (591 min) və Rusiya (520,387) olub.

Dəyişikliklərə görə, 2022-ci ildə ən çox müraciət edən ölkə olan Türkiyə hazırda ikinci, Çin isə 2022-ci ildəki 22-ci yerdən 2023-cü ildə birinci yerə yüksəlib.

Çindən başqa, viza müraciət dərəcələrində ən ciddi dəyişiklik Rusiyada müraciət edənlər arasında müşahidə olunub. Rusiya cəmi 520 387 müraciətlə ən çox müraciət edən mənşə ölkələri arasında beşinci yerdədir.