Suriyadakı Rusiya qüvvələri Həma şəhərini tərk edib. Həmçinin Rusiya hərbçiləri və diplomatları təcili olaraq Dəməşqdən təxliyə edilir.

"dogruxeber.tv" xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi (GUR) Telegram-da məlumat yayıb

Kəşfiyyatın qeyd etdiyi kimi, müxalif qüvvələr aktiv şəkildə Suriyanın cənubuna doğru irəliləyirlər.

QUR rus qoşunlarının Həmadan qaçaraq Xmeymim bazasına təxliyə edildiyini bildirib. Rusların Xmeymimdə yerləşən koordinasiya qərargahının rəhbəri general-polkovnik Aleksandr Juravlyov vəziyyətin Bəşər Əsəd rejiminin nəzarətindən çıxdığını bəyan edib.
Ətraflı

"Dəməşqdə ilk silahlı toqquşmalar baş verib - Rusiya hərbçiləri və diplomatları təcili olaraq Suriyanın paytaxtını tərk etməyə başlayıblar", - məlumatda deyilir.
QUR əlavə edir ki, ruslar da Xan Şeyxun şəhərindəki hərbi bazadan qaçaraq orada xeyli silah və texnika arsenalı buraxıblar. Dekabrın 1-də Rusiya aviasiyası Xan Şeyxun bölgələrinə zərbələr endirib. Hücumun məqsədi müxalif qüvvələrin əlinə keçmiş Rusiya texnikasını məhv etmək olub.

Kəşfiyyatın qeyd etdiyi kimi, Rusiya kontingentinin komandiri general Kiselin istefaya getməsi xəbəri açıqlanıb. Rusiya xüsusi təyinatlılarının bölməsinə komandirlik edən polkovnik Vadim Baykulov da Moskvaya geri çağırılıb. O, Hələbdə ona tabe olan şəxsi heyətin nə üçün itki verdiyini və hərbi texnikanın ələ keçirildiyini Kremlə izah etməlidir.