ABŞ-ın Viskonsin ştatında 19 yaşlı gənc “TikTok”-u qadağan edən qanuna reaksiya olaraq konqresmen Qlenn Qrotmanın regional ofisinin olduğu biznes mərkəzini yandırıb.

"dogruxeber.tv" Publika.az-a istinadən xəbər verir ki, Fond Du Lac bölgəsinin polisi ofislərin olduğu binanın yandırılması ilə bağlı açıqlama verib.

Açıqlamada Respublikaçılar Partiyasından olan konqresmen Qrotmanın adına icarəyə götürülmüş ofisin yerləşdiyi binanın yandırıldığı və şübhəlinin saxlanıldığı bildirilib.

Məlumata görə, hadisə zamanı binada heç kim olmayıb və yanğın söndürülüb. 19 yaşlı şübhəli “TikTok” qadağasına görə bu addımı atdığını qeyd edib.

ABŞ mətbuatında Qrotmanın daha əvvəl “TikTok”u tənqid edən açıqlamalar verdiyi vurğulanıb.