Yumurta yüksək keyfiyyətli zülal, vitaminlər və minerallarla zəngin bir qidadır. Bu səbəbdən bir çox insan pəhrizində yumurtaya geniş yer ayırır.

Yumurta A, D, E və B12 vitaminləri ilə yanaşı, zülal və omeqa-3 yağ turşuları baxımından zəngindir. Həmçinin, yumurta beyini (yumurtanın ağ hissəsi) zülal və mineral mənbəyidir, sarısı isə vitaminlər, minerallar və sağlam yağlar ilə doludur. Lakin yumurtanın sarısı eyni zamanda xolesterol ehtiva edir və bu, bəzən sağlamlıq problemlərinə səbəb ola bilər. Buna görə də, gündə neçə yumurta yeməyin düzgün olduğunu müəyyən etmək üçün bir neçə amil nəzərə alınmalıdır.

Bəs gündə neçə ədəd yumurta yemək olar?

Sağlam insanların çoxu həftədə yeddiyə qədər yumurta yeyə bilər. Ancaq diabetli insanlar üçün hətta bu qədər yumurta ürək-damar xəstəliklərinin inkişafına zəmin yaradır. Cənubi Avstraliya Universiteti, Qətər Universiteti və Çin Tibb Universitetinin alimlərinin apardığı araşdırma nəticəsində məlum olub ki, gündə ən azı bir yumurta yemək şəkər xəstəliyinə tutulma ehtimalını 60 faiz artırır. Bu təsir qadınlarda daha qabarıq görünür. Əsas səbəb yumurtanın tərkibində xolesterinin yüksək olmasıdır. Araşdırmalar göstərir ki, həddindən artıq yumurta istehlakı hətta sağlam insanlarda da ürək xəstəliyi riskini artıra bilər. Yumurta ilə yanaşı, ət delikatesləri, mağazalardan alınan bişmiş toyuq, ağ düyü sağlamlığa ziyandır. Şirələr də qanda qlükoza səviyyəsini artıran şəkərlərlə zəngindir. Faydalı alternativlərə gəlincə, lobya, mərcimək, noxud, ispanaq, brokoli, avokado, yulaf, qəhvəyi düyü, fındıq, badam, qoz, balqabaq toxumunu qeyd etmək olar. Sonda qeyd edək ki, yumurta qiymətli bir protein və vitamin mənbəyi olsa da, tarazlığı nəzərə almaq vacibdir. Onların orta istehlakı və pəhrizdəki müxtəliflik mümkün sağlamlıq risklərini minimuma endirməyə və bədəni ən yaxşı vəziyyətdə saxlamağa kömək edəcək.