Fransada Dövlət Şurasının vəkillərə hicab qadağasını təsdiq etdiyi açıqlanıb.

"dogruxeber.tv" xəbər verir ki, yerli mətbuatın verdiyi məlumata görə, Dövlət Şurası Fransa Milli Vəkillər Kollegiyasının vəkillər üçün müxtəlif simvolların, o cümlədən hicabın qadağan edilməsi təklifinin qəbulu ilə bağlı etiraz etməsi məsələsinə baxıb.

Prokurorluq bu həftənin əvvəlində verilən etirazla bağlı qərarında vəkillik peşəsini tənzimləyən qanunun 3-cü maddəsinin bu peşə ilə məşğul olanların vahid forma geymələrini tələb edərək fərqli simvollar taxmasına mane olduğunu müdafiə edib. İttihamçı qurum bu təklifi birliyin qəbul etdiyi barədə qərar verib və mövcud qanundakı müddəaların necə həyata keçiriləcəyi ilə bağlı məlumat verib.

Bütün vəkillərin geyim formasının onların müştərilərinin maraqlarını müdafiə etməkdən başqa hər hansı şəxsi üstünlükləri əks etdirməsinə mane olduğunu bildirən Dövlət Şurası, vəkillər üçün vahid geyim kodunun mühakimə olunanlar arasında bərabərliyin təmin edilməsinə kömək etdiyi və bunun “ədalətli məhkəmə araşdırması hüququ üçün zəruri şərt” olduğu qənaətinə gəlib.

Fransa Milli Vəkillər Kollegiyası 2023-cü ilin sentyabrında vəkillər üçün müxtəlif simvolların, o cümlədən hicabın qadağan edilməsi təklifini qəbul edib. Təklifdə vəkillərə xalatdan başqa “hər hansı fərqləndirici simvol geyinmək” qadağan edilib.

Fransa Hüquqşünaslar Birliyi qadağanın vəkillərin müstəqilliyini pozduğu səbəbilə birliyin qərarının dayandırılmasını tələb edərək, Dövlət Şurasına müraciət etmişdi.