Azərbaycan Turizm və Menecment Universiteti (ATMU) yeni tenderinin nəticələrini açıqlayıb.

"dogruxeber.tv" Tribunainfo.az-a istinadən xəbər verir ki, yeni müsabiqə “İnformasiya və texnologiya avadanlıqları”satınalınmasından ibarət olub.

Rəsmi qaynaqlarda qeyd olunur ki, tenderin qalibi “ISOFT” MMC olub. Bu şirkətlə 126 min 408 manatlıq satınalma müqaviləsi bağlanılıb.

Qeyd edək ki, İqtisadiyyat Nazirliyi yanında Dövlət Vergi Xidmətinin reyestr məlumatlarına görə “İsoft” MMC 19 iyun 2008-ci ildə qeydiyyata alınıb. Nizamnamə kapitalı 200 manat olan şirkətin hüquqi ünvanı Bakı şəhəri Səbail rayonu, Badamdar qəsəbəsi, M.Müşfiq küçəsi, ev 4B, mənzil 114-də yerləşir. MMC-nin qanuni təmsilçisi İsmayılov Natiq Əlövsət oğludur.

Maraqlıdır ki, 2008-ci ildə yaradılmış şirkətin rəsmi internet səhifəsi yoxdur.

Qarşı tərəfi də dinləməyə hazırıq.