“BMT Kənd Təsərrüfatı təşkilatı olan FAO( Food Agriculture Organization) açıqlamasına əsasən Taxıl məhsullarının qiymətində ötən ilin qiymətləri ilə müqayisədə ucuzlaşma yaranıb”.

Bu sözləri Tribunainfo.az-a açıqlamasında iqtisadiyyat üzrə fəlsəfə doktoru Günay Hüseynova bildirib.

İqtisadçının sözlərinə görə, ucuzlaşmaya səbəb ilk növbədə Amerikadakı rekord səviyyədəki məhsuldarlıq, Braziliya və Argentinadakı məhsul yığımı, həmçinin də bu məhsula tələbatın aşağı düşməsi ilə əlaqədardır.

Ekspert vurğulayıb ki, Baş Nazir Əli Əsədovun sərəncamına əsasən ərzaqlıq buğdanı dövlət tədarükünün qiyməti 1 ton üçün 400 manatdır. Bundan ərzaqlıq buğda ilə özünü təmin etmə haqqında fərmanına əsasən hər hektar üçün dövlət tərəfindən 100 manat subsidiya verilir. Azərbaycan Strateji məhsulların həmçinin də bu məhsulun qiymətinin, süni qiymətinin artımının qarşısının alınması çərçivəsində mütəmadi olaraq manitoringlər həyata keçilir. Dünya bazarında bu sektorda ucuzlaşma olsa da ölkəmizdə hal-hazırda stabildir. Qiymətlərin ucuzlaşması üçün ilk növbədə yerli istehsal daxili bazarı 75% təmin etməlidir. Bununla əlaqədər Prezident fərman imzalasa da hələ də məhsuldarlıq istənilən səviyyədə deyil. Qazaxıstan, Rusiya kimi ölkələrdən idxak edirik. İstehsal gücünün istənilən səviyyədə olmamasının səbəbi ilk növədə suvarma sistemi ilə əlaqədardır. Ölkədə yalnız 60.000 hektar ərazi yüksək suvarma sitemi ilə təmin olunub. Təbii ki, bu da daxili tələbatı qarşılamaq üçün kifayət deyil.