dogruxeber.tv: - Hövsanda dəmiryolu xəttinə yaxın ərazidə yaşayan sakinlər söküntü ilə bağlı narahatlıqlarını ifadə ediblər. Məlumata görə, bölgədə sürət qatarının istifadəyə verilməsi planlaşdırılır və təhlükəsizlik məqsədilə dəmiryolu xəttinə yaxın yerləşən evlərin sökülməsi gündəmdədir. Sakinlər isə kompensasiya məsələləri və gələcək yaşayış şəraiti ilə bağlı qeyri-müəyyənlikdən narazıdırlar.

Belə hallarda ev sahiblərinə hansı kompensasiya mexanizmləri tətbiq olunmalıdır?

Qiymətləndirmə prosesində hansı meyarlar əsas götürülür (evin yerləşdiyi ünvan, tikinti ili, torpaq sahəsi və s.)?

Kompensasiya və köçürülmə məsələləri üzrə Azərbaycanda mövcud qanunvericilik hansı təminatları verir?

Məsələ ilə bağlı Tribunainfo.az-a açıqlama verən əmlak üzrə ekspert Elnur Azadov bildirib ki, bəli, Hövsanda bu məsələ gündəmdədir.

E. Azadovun sözlərinə görə, hələ ki, heç bir rəsmi məlumat yoxdur. Praktikada Nərimanov rayonunda bu kimi qanunsuz tikililərin aradan qaldırılması ilə bağlı dövlət prosesləri həyata keçirir. İlk növbədə məsələ ondan ibarətdir ki, dəmiryol xəttinə 60 metrdən yaxın hər hansı bir tikintilərin aparılması qanunla yol verilmir. Bu baxımdan da mövcud tikililərin sökülməsi istiqamətində orada yaşayan vətəndaşların təhlükəsizliyini təmin etmək üçün bu proses həyata keçirilmişdir. Çox güman ki, Hövsan ərazisində də bu kimi planlar nəzərdə tutulub. Kompensasiya elədir ki, qanunla icazə verilmirsə, sözsüz, ki, onlara kompensasiya verilməyəcək.