Ötən gün Akademik M.Topçubaşov adına Elmi Cərrahiyə Mərkəzi daha bir tenderə yekun vurub.

"DogruXeber.tv" xəbər verir ki, Mərkəz tibbi sərfiyyatların satın alınmasını həyata keçirəcək.

Məlumatda bildirilir ki, tenderin qalibi “AZƏRİ MED” QSC olub. Tərəflər tibbi sərfiyyat mallarının alınması üçün 871 min 849 manat dəyərində müqavilə bağlayıblar.

Qeyd edək ki, Akademik M.Topçubaşov adına Elmi Cərrahiyə Mərkəzi ilə “Azəri Med” QSC arasında bu son 3 ayda ikinci tenderdir. Bu tenderlərin daha biri ötən ilin 19 noyabrında baş tutub. Həmin vaxt “Azər Med”dən maşın və avadanlıqlar satın alan Mərkəz bunun üçün 1 milyon 183 min 585 manat ödəniş edib.

Bildirək ki, Akademik M.Topçubaşov adına Elmi Cərrahiyə Mərkəzi son bir ildə 15 tender keçirib. Həmin tenderlərin ən bahlısı isə məhz “Azəri Med”ə verilib.

Xatırladaq ki, Akademik M.Topçubaşov adına Elmi Cərrahiyə Mərkəzinin direktoru professor Rauf Maqsud oğlu Ağayevdir.

Qarşı tərəfi də dinləməyə hazırıq.//Tribuna.az