Ermənistanda revanşistlərin əsas mərkəzlərindən biri olan və Azərbaycana qarşı aqerssiyası ilə tanınan “Geghard” Analitik Fondu neftin bahalaşması və bunun Bakıya faydası barədə geniş məqalə ilə çıxış edib.

DogruXeber.tv xəbər verir ki, Fond Azərbaycanın neftdən əldə etdiyi gəlirləri hesablayıb.

Yazıda iddia olunur ki, dünya neft qiymətlərinin sabit şəkildə 10 dollar artması Azərbaycana hər il təxminən 3 milyard dollar əlavə ixrac gəliri və enerji sektorundan dövlət büdcəsinə təxminən 1,5 milyard dollar gəlir gətirə bilər.

Bundan başqa, “Geghard” iddia edib ki, münaqişə davam edərsə, İran BTC-ni hədəfə ala bilər. “Yaxın Şərqdə münaqişənin kəskinləşməsi Bakı-Tbilisi-Ceyhan boru kəməri də daxil olmaqla strateji enerji infrastrukturunu təhlükə altına ala bilər. Bu vəziyyət Azərbaycan üçün həm iqtisadi imkanlar, həm də təhlükəsizlik problemləri yaradır ki, bu da artıq İranla bağlı münaqişənin daha da inkişafı ilə bağlıdır”.//Tribuna.az