Son aylar dünya bazarında xam neftin qiymətlərinin qalxması ABŞ-ın Qərbi Texas əyalətində iqtisadi canlanma yaradıb.

dogruxeber.tv xəbər verir ki, Birləşmiş Ştatların neftlə zəngin bu əyalətində otellərdə, restoranlarda, habelə avtomobil və mənzil bazarında əsl canlanma hiss olunur.
ABŞ Federal Ehtiyat Fondunun (FED) Dallasdakı eksperti Maykl Plant bildirib ki, neft bazarında iki il davam edən böhrandan sonra “WTI” markalı neftin qiymətinin 68 dollara çatması Qərbi Texasdan Nyu-Meksikonun şərqinədək uzanan Permian hövzəsində şist nefti hasilatının artmasına səbəb olub. Onun sözlərinə görə, xam neftin qiymətinin 100 dollara çatacağı təqdirdə hasilatçılar böhran nəticəsində dəymiş zərəri ödəyə bilərlər.

Neft hasilatçılarını ən müasir qurğularla təchiz edən “Properto” şirkətinin icraçı direktoru Deyl Redmən də qiymətlərin qalxmasını iqtisadiyyatın bütün sahələri üçün əlavə stimul hesab edir. Onun sözlərinə görə, sifarişlərin kəskin şəkildə artması nəticəsində son aylar bu şirkətdə 1200 yeni iş yeri açılıb.

Midland şəhərinin meri Cerri Moralses isə neftin qiymətlərinin qalxmasının inşaat sektoruna, yeni yaşayış komplekslərinin salınmasına, habelə işsizliyin səviyyəsinin azalmasına müsbət təsir edəcəyini bildirib. Mer əlavə edib ki, fevral ayından sonra Midlandda işsizlik 2,5 faizə, Odessada isə 3,2 faizə düşü