Əfqanıstanda 20 oktyabrda başlayan və 3 gün davam edən parlament seçkilərində kütləvi iğtişaşlar baş vermişdi.

“dogruxeber.tv” İHA-ya istinadən xəbər verir ki, BMT-nin Əfqanıstana Yardım Missiyası (UNAMA) hadisələr zamanı 56 nəfərin öldüyünü, 379 nəfərin də yaralandığını açıqlayıb.

Seçki məntəqələrinə və seçicilərə edilən hücumların hərbi cinayət olduğunu bildirilib.

Təşkilatın hesabatında qeyd olunub ki, seçkilərə qədərki 6 aylıq müddətdə 55 nəfər ölüb və ya yaralanıb, 245 nəfər isə oğurlanıb.

Qeyd edək ki, “Taliban” terror təşkilatı seçkilər zamanı hücumlar təşkil edərək insanların səs verməsinin qarşısını almağa çalışırdı. Nəticədə 35 milyon nəfər yaxın əhalisi olan Əfqanıstanda cəmi 4,2 milyon seçici səs verə bilmişdi.