Gündəlik məşğuliyyətlər zamanı hər birimizin bəzi nahiyələrimizdə ağrı yaranır. Bu normaldır. İnsan orqanizmi hər zaman özünü ideal hiss edə bilməz. Amma daxili və xarici orqanların özündə hansı potensialı saxladığını bilsəniz, çox təəccüblənəcəksiniz.

Bədənin enerjisini idarə edə bilən maraqlı və qeyri-adi üsul - refleksologiya mövcuddur. Bu üsulu çinlilər hələ 1000 illər əvvəl tərtib ediblər.

Milli.Az medicina.az-a istinadən sizi elmin bu maraqlı sahəsi ilə tanış edir:

Bunun üçün sizə qulağa sancmaq üçün paltar "şpilka"sı lazım olacaq!

Nəyə görə məhz qulaq?

Alimlərin bildirdiklərinə görə, qulaq bədənin kiçik xəritəsdir. Onda çoxlu sayda mərkəzi sinir sistemi və bütün daxili orqanlarla əlaqəli sinir ucları yerləşir.
Hər bir qulaqda bədənin konkret hissələri ilə əlaqəli olan 6 nöqtə var. Bu nöqtələri "şpilka" ilə sıxaraq enerji axınının istiqamətini dəyişmək mümkündür.

1. Qulağın yuxarı hissəsi - zirvə

Qulağın bu nahiyəsi birbaşa olaraq çiyin və kürək ilə əlaqəlidir. Qulağın bu hissəsini gün ərzində 1 dəqiqə sıxaraq həmin nahiyələrdə olan gərginliyi azalda bilərsiniz. Bu, əsasən oturaq işlə məşğul olan işçilər üçün aktualdır.

2. Qulaq əyrisinin yuxarısı

Bu nöqtə əsasən daxili orqanların hər biri ilə bir az əlaqəlidir. Buna görə də əgər siz daxili narahatlıq, yorğunluq, halsızlıq hiss edirsinizsə, o zaman qulağınızın bu hissəsini sıxın.

20 saniyədən sonra siz yüngülləşdiyinizi hiss edəcəksiniz.

3. Qulağın orta yuxarı hissəsi

Qulağın bu hissəsi əsasən oynaqlarla əlaqəlidir. Bu nöqtəni sıxmaqla oynaqlarda olan ağrı və yorğunluğu aradan götürmək olar.

4. Qulağın orta hissəsinin aşağı hissəsi

Qulağın bu hissəsi burun və boğazla əlaqəlidir. Burnunuz tutulan zaman yuxuya getməkdə çətinlik çəkirsinizsə, o zaman qulağınızın bu hissəsini sıxaraq rahatlıq tapa bilərsiniz.

5. Qulaq məməsinin üzəri

Qulaq məməsinin üzərində olan nöqtə həzm orqanların ilə əlaqəlidir. Bu hissəyə "şpilka" vuraraq qarnınızda və bağırsağınızda olan ağrılardan can qurtara bilərsiniz.

6. Qulaq məməsi

Bu nahiyə ürək və baş ilə əlaqəlidir. Qulaq məməciyini sıxaraq miqren və baş ağrılarından qurtulmaq mümkündür.