"Arsenal" futbol klubu Avropa Liqasının yarımfinal mərhələsi çərçivəsində cavab qarşılaşmasında 4:2 hesabı ilə İspaniyanın "Valensiya" komandasına qalib gəlib və beləliiklə finala vəsiqə qazanıb.

dogruxeber.tv Trend-ə istinadən bildirir ki, qolları P.Obameyanq (17-ci, 69-cu, 88-ci dəqidədə), A.Lakazet (50-ci dəqiqədə), K.Qameyro (11-ci, 58-ci dəqiqə) vurublar.

Qeyd edək ki, Londonda keçirilmiş ilk görüş də Arsenalın 3:1 hesablı qələbəsi ilə başa çatıb.

Digər matçda isə İngiltərənin daha bir təmsilçisi "Çelsi" Londonda "Ayntraxt"ı qəbul etdi. Frankfurtdakı görüşdə qeydə alınan 1:1 hesabı "zadəganlar"a nisbətən üstünlük qazandırırdı. Cavab oyun də 1:1 hesabı ilə bitdi. Əlavə vaxtda qalib müəyyənləşmədi, penalti seriyasında isə "Çelsi" 4:3 hesabı ilə qalib gəldi.

Xatırladaq ki, Avroliqanın final oyunu mayın 29-da Bakı Olimpiya Stadionunda keçiriləcək.

Avropa Liqası
Yarımfinal, cavab oyunları
9 may

"Valensiya" (İspaniya) - "Arsenal" (İngiltərə) - 2:4
Qollar: Qameyro, 11, 58 - Obameyanq, 17, 69, 89; Lyakazett, 50

Valensiya. "Mestalya" stadionu. Baş hakim: Danni Makkeli (Hollandiya)
İlk oyun - 1:3

"Valensiya": Neto (q), Qabriel, Qonsalo Quedeş, Kevin Gameyro, Daniel Parexo (k), Jose Gaya, Fransis Koquelin, Daniel Vass, Rodrigo, Kristiano Piççini, Ezequiel Garay
Ehtiyat oyunçular: Xaume Domenek, Muktar Diakabi, Toni Lato, Fakundo Ronkalya, Karlos Soler, Ferran Torres, Santi Mina
"Arsenal": Peter Çex (q), Sokratis Papastatopolus, Lorent Koselini, Aleksandre Lyakazett, Məsut Özil, Lukas Torreyra, Pyer-Emerik Abameyanq, Maitland Niles, Naço Monreal, Sead Kolasinaç, Granit Xaka
Ehtiyat oyunçular: Bernd Leno, Şkodran Mustafi, Matteo Qenduzi, Eddi Nketia, Mohammed El-Neni, Aleks İvobi, Henrix Mxitaryan

"Çelsi" (İngiltərə) - "Ayntraxt" (Almaniya) - 1:1 (penalti 4:3)

Qollar: Loftus-Çek, 28 - Yoviç, 48
London. "Stemford Bric" stadionu. Baş hakim: Ovidiu Alin Hateqan (Rumıniya)
İlk oyun - 1:1
"Çelsi": Kepa Arrisabalaqa, Emerson, David Luis, Andreas Kristensen, Sesar Aspilikueta, Mateo Kovaçiç, Jorjinyo, Ruben Loftus-Çik, Eden Azar, Villian, Olivye Jiru.
Ehtiyat oyunçular: Villi Kabalyero, Markos Alonso, Ross Barkli, Davide Zappakosta,Qari ri Kexill, Pedro, Qonsalo İquain
"Ayntraxt": Kevin Trapp, Danni da Kosta, David Abraham, Martin Xintereqqer, Simon Falett, Makoto Xasebe, Sebastyan Rode, Ante Rebiç, Miyat Qaçinoviç, Filip Kostiç, Luka Yoviç
Ehtiyat oyunçular: Frederik Rennov, Jelson Fernandes, Evan Ndika, Jonatan de Quzman, Sebastyen Alle, Timoti Çandler, Qonsalu Pasensya