Rəqəmsal dövrün yenilikləri, xüsusilə kondisioner sayəsində yayda sərinləmək daha asan və rahatdır.

Lakin o da həqiqətdir ki, həkimlər kondisionerin səhhətimiz üçün ziyanlı olması barədə tez-tez həyəcan təbili çalır.

Bəs təbii şəkildə sərinləmək üsulları varmı? Varsa, hansılardır?

Milli.Az bu yazıda oxuyucuları qızmar yay günlərində dərini sürətlə soyudan 5 maraqlı üsulla tanış edir.

Biləyinizi 30 saniyə buzlu su altında saxlayın

Belə bir üsul aktiv şəkildə və dərhal əlinizdəki qan hərarətini azaldacaq, daha sonra bu, bütün qan dövranına təsir edərək bir saat ərzində bütün bədəni soyudacaq.

Boynunuza soyuq kompres qoyun

Çox maraqlı faktdır: Bədənin temperaturunu tənzimləyən və nizama salan beyin damarları təxminən boyun arxasında yerləşir. Buranı nəm dəsmal, buz parçası və ya hər hansı bir şəkildə sərinlədin. Beləliklə, müvəqqəti olaraq bədəni aldadatmaq mümkündür ki, sizə soyuqdur.

Daha çox su və daha az qəhvə içmək

Temperatur həqiqətən çox yüksək olduqda, daha çox tərləyirsiniz, sadəcə ola bilsin ki, buna fikir vermisiniz. Odur ki, isti havalarda bədəndə susuzluq yaradan və kofeinli içkilərdən qaçmaq çox vacibdir - onlar mayeni sürətlə çıxarır və nəmin qarşısını alırlar.

Yadda saxlayın ki, su içmək bədəndəki mayelərin tarazlığının qorunmasına kömək edir. Bədənimizin 60%-i sudan ibarətdir. Bu mayelərin funksiyaları həzm, absorbsiya, dövriyyə, tüpürcəyin yaradılması, qidaların daşınması və bədən istiliyinin qorunmasından ibarətdir. Hipofiz vəzi sayəsində beynimiz böyrəklərimiz ilə əlaqə saxlayaraq nə qədər suyun böyrəklərdən sidik olaraq atılmasını və nə qədərinin saxlanılmasını böyrəyə bildirir. Bədəninizdə maye az olduqda beynimiz bədənimizin susuzluq mexanizmasını tətikləyir. Bu təsir sayəsində biz su, meyvə suyu, süd, qəhvə içirik. Amma spirtli içki içməməliyik, çünki spirtli içkilər beyinlə böyrəklərin əlaqəsini zəiflədir və böyrəklərin daha çox maye atmasına, nəticədə isə maye itkisinə səbəb olur.

Su içmək kalorilərimizi idarə etməyi asanlaşdırır. Çox arıqlamaq üçün sehirli bir gücə malik olmasa da, yüksək kalorili içkilərin yerinə su içilməsi daha məqsədəuyğundur.

Su əzələlərin gücləndirilməsinə kömək edir.

Su içmək dərinin gözəl görünməsini təmin edir. Dərimiz sudan ibarətdir, buna görə də onun funksiyası qoruyucu bir bariyer olaraq çoxlu maye itkisinin qarşısını almaqdır.

Soyucudu sprey istifadə edin

Sadə bir soyutma spreyini özünüz də hazırlaya bilərsiniz. Aloe vera gelinin bir hissəsini soyuq su ilə qarışdırıb metal butulkaya tökün. Aloe dərini 5 dərəcə soyudur!

Meyvəni soyuducuya qoyun

Soyuq meyvə yay üçün əla qəlyanaltı və bədəni sərinlədən effektiv vasitədir. İsti hava bizi daha çox dondurma yeməyə məcbur edə bilər. Bunun əvəzinə dondurulmuş meyvələr daha az kalori və daha sağlam şəkildə sərinləməyə kömək edəcək