Çində yeni ölümcül koronavirus 1368 nəfərin həyatına son qoyub, 5963 nəfər sagalıb, 59.8 min nəfər isə ölümcül virusa yoluxub. Bu barədə yerli "Vanyi" portalı regional hakimiyyət orqanlarına istinadən yazıb.

Ötən gün ÇXR Gigiyena və Sağlamlıq üzrə Dövlət Komitəsi 44,6 mindən artıq koronavurusa yoluxmuş, 1113 qurban və 4740 virusdan sağalmış şəxs barədə məlumat verib. Yenilənmiş məlumatlara görə isə, ölkədə koronavirusdan rəsmi ölüm nisbəti 2,28% təşkil edir.

Çinin paytaxtı Pekində koronavirusa yoluxanların sayı 366 nəfərdir, onlardan 68-i xəstəxanadan buraxıldı, üç nəfər isə dünyasını dəyişib.

Qeyd edək ki, 31 dekabr 2019-cu ildə Çinin Hubei əyalətinin Vuhan şəhərində naməlum etiologiyalı sətəlcəm xəstəliyi aşkar olunub. Yanvarın 7-də xəstəliyin törədicisi olan koronavirus 2019-nCoV müəyyən edildi.