ABŞ Çinə xəbərdarlıq edir ki, Çinin Rusiyaya qeyri-öldürücü dəstəyinin ardından Çinin Rusiyaya öldürücü dəstək də verməsi məlumatını alıblar.

Çinin bu məlumatı birmənalı şəkildə təkzib etməsinə baxmayaraq, ABŞ bu məlumatı ciddi saydığını və bunun ABŞ-Çin münasibətlərində önəmli fərq yarada biləcəyini də bütün ciddiyyəti ilə bildirib.

ABŞ dövlət katibi Entoni Blinken Çin çirkətlərinin Rusiyaya məhsul satdıqlarını və hətta Çin şirkətlərindən birinin Rusiyanın muzdlu döyüşçülərdən ibarət təşkilatı olan "Vaqner" qrupunu Ukraynanın peyk görüntüləri ilə təmin edib.

"dogruxeber.tv" qeyd edir ki, bu barədə BBC-də məlumat paylaşılıb.

Artıq, ABŞ-ın Rusiyaya qarşı ciddi tədbirlər gördüyünü düşünməyə yetərincə əsas var. Çinlə ABŞ arasında şar məsələsindən sonra münasibətlər olduqca ciddi şəkildə gərilib.

Qeyd edək ki, Çin indiyə qədər Rusiyanın Ukrayna ərazilərinə təcavüz etdiyini rəsmi şəkildə bildirməyib. Hazırda Rusiya ilə münasibətləri sabit saxlamaqda maraqlı olan Çin bu məsələdə sakit qalmaqda davam edir.

dogruxeber.tv
Kamal Əsgərov