Karabükdəki Filyos axınında cansız cəsədi tapılan Qabon əsilli Jeannah Danys Dinabongho İbouanqanın (17) ölümünün sirri hələ də açılmayıb. Hadisə ilə bağlı 6 nəfər nəzarətə alınarkən, Dinabongho ilə bağlı son görüntülər ortaya çıxıb. Evinin yerləşdiyi küçədəki bir saytın təhlükəsizlik kamerasına əks olunan görüntülərdə Dinabongho-nun gecə saatlarında ayaqyalın küçədə qaçdığı görülüb.

"dogruxeber.tv" "NtvTurk"ə istinadən bildirir ki, martın 26-da Filyos dərəsinin Yeşilköy ərazisində hərəkətsiz vəziyyətdə yatan şəxsi qatar ustası gördükdən sonra bölgəyə polis, jandarma, sağlamlıq və AFAD qrupları sövq edilib.

Çayda tapılan cəsədin Qabon vətəndaşı, Karabük Universitetinin maşınqayırma mühəndisliyi hazırlıq kursu tələbəsi Jeannah Danys Dinabongho İbouanqaya aid olduğu müəyyən edilib. Dinabongho-nun cəsədi yarılma üçün Karabük Təhsil və Araşdırma Xəstəxanasının meyitxanasına aparılıb. Təhlükəsizlik kameralarını araşdıran qruplar Dinabonqonun avtomobillə meşəlik əraziyə aparıldığı ehtimalına diqqət yetirərkən, 3-ü xarici ölkə vətəndaşı olan 6 nəfəri nəzarətə götürüb.


İtkin düşən gecə gənc qız bildirib ki, dostlarının evində kinoya baxarkən, saat 23:00 radələrində qohumunun evinə aşağı enərək şarj cihazı alacaq. Lakin, Dinabongho naməlum səbəblərdən küçəyə ayaqyalın çıxıb.

Küçədə ayaqyalın qaçan gənc qız bir saytın təhlükəsizlik kamerasına əks olunub. Qabon Respublikasının Ankara səfirliyinin vəkili Kərim Bahadır Şeker kamera görüntülərindəki qızın paltarını yarılma görüntüləri ilə müqayisə edərək, ayaqyalın qaçarkən görülən şəxsin Dinabongho olduğunu bildirib. Kamera görüntülərini görən dostları hüzn yaşadılar.

Dinabongho-nun yaxşı insan olduğunu və şəhərə təhsil almağa gəldiyini deyən Çad əsilli Tayyip Abderahim Youssouf, “Ola bilsin ki, onu öldürüblər. Nə baş verdiyini dəqiq bilmirik, amma bunu polislər edir. Həmin gecə dostları ilə toplandı. Bişirdilər, yedilər. Televizora baxarkən dedi ki, aşağı düşür. “Telefonumu doldurmaq üçün aşağı enəcəyəm”, dedi, sonra aşağı düşdü və bir daha geri qayıtmadı”.

dogruxeber.tv
Jalə Əsədova