Məşhur messencer WhatsApp yeni funksiyasını işə saldığını açıqlayıb. Tərtibatçıların fikrincə, Kanallar WhatsApp-dan çıxmadan insanlar və təşkilatlar haqqında vacib xəbərləri izləmək üçün sadə, etibarlı və məxfi üsuldur.

Kanalların adminləri onlara mesajlar, fotolar, videolar, stikerlər və sorğular daxil olmaqla məzmun göndərə bilər. Digər tərəfdən, Kanallardakı abunəçilər yalnız məzmuna baxa bilər, lakin onu dərc edə bilməzlər.

İstifadəçinin abunə olduğu kanallar söhbətlərdən və icmalardan ayrı, yeni tabda yerləşəcək. “WhatsApp” müxtəlif mövzulu kanallar kataloqu yaradıb və istifadəçilər onlardan öz sevimli kanallarını seçə bilərlər.

"Kanallar"da məxfilik çox vacibdir. Kanal administratorunun telefon nömrəsi və profil şəkli izləyicilərə görünmür, abunəçinin telefon nömrələri isə administrator da daxil olmaqla digər kanal üzvlərindən gizlədilir. Bundan əlavə, heç kim konkret istifadəçinin hansı kanallara abunə olduğunu görməyəcək.



"dogruxeber.tv" bbc.com-a istinadən bildirir ki, Kanalda yayımlanma tarixçəsi 30 gündən çox olmayaraq saxlanılacaq, sonra isə silinəcək. Tərtibatçılar 30 günlük müddət bitməzdən əvvəl abunəçilərin cihazlarından tarixçəni silmək imkanı əlavə etməyi planlaşdırırlar.

Adminlər kanala baxarkən skrinşot etmək və məzmun göndərmək imkanını bloklaya, kanallarına kimin abunə olmasına icazə verildiyini idarə edə və kataloq axtarış nəticələrindən kanallarını gizlədə biləcəklər.

İlk növbədə, kanallar dünyanın aparıcı mediası və Kolumbiya və Sinqapurun bəzi təşkilatları üçün əlçatan oldu. Yaxın aylarda onlar başqa ölkələrdə görünəcək və istənilən istifadəçi kanal yarada biləcək.

Viber messencerində ötən ildən Kanal funksiyası fəaliyyət göstərir .

dogruxeber.tv
Asiman Əsədsoy