"dogruxeber.tv"ın tehrantimes.com-a istinadən məlumatına görə, İranın Neft Nazirliyi ötən gün bir bəyanat yayaraq, bu ayın əvvəlində İndoneziya sahil mühafizəsi tərəfindən ələ keçirilən MT Arman 114 adlı tankerin yükünün İrana aid olmadığını açıqlayıb.

“Gəminin yükünün İran İslam Respublikasına aid edilməsi ilə bağlı hər hansı məlumatın heç bir əsası yoxdur”, - nazirlik bildirib.

Nazirlik əlavə edib ki, bu cür reportajların yayımlanması “ölkəmizdə mənfi atmosfer yaratmaq” məqsədi daşıyır.

İndoneziya dəniz səlahiyyətliləri iyulun 11-də dənizdə qeyri-qanuni daşınma şübhəsi ilə 200.000 metrik tondan çox yüngül xam neft daşıyan tankeri ələ keçirdiklərini açıqladı.

O, MT Arman 114-ün İndoneziyanın eksklüziv iqtisadi zonasında "qeyri-qanuni daşıma fəaliyyətini həyata keçirməkdə şübhəli bilindiyini" söylədi.

Hətta o vaxt İndoneziya dəniz təhlükəsizliyi agentliyi birbaşa İrana barmağını göstərməmişdi.

dogruxeber.tv
Rən Gözəlova