Depressiya bu gün tez-tez rast gəlinən ümumi psixi sağlamlıq problemidir. Əsas müalicə kimi tez-tez dərman və terapiya istifadə olunsa da, sağlam qidalanma insanın yaxşı hiss etməsinə və sağalma prosesinə kömək edə bilər.

"dogruxeber.tv"ın məlumatına görə, gün ərzində necə hiss etməyiniz nə qəbul etdiyinizdən asılıdır. Qida beyni qidalandırır, ona görə də yedikləriniz psixi sağlamlığınıza birbaşa təsir edir. Sağlam qidalanmağı həyat fəlsəfəsinə çevirərək depressiya və narahatlığınızı daha idarə edilə bilən hala gətirə bilərsiniz. Depressiyanı müalicə etmək üçün xüsusi bir pəhriz yoxdur, lakin bəzi qidalardan qaçınmaq və digərlərini daha çox yemək insanlara simptomlarını idarə etməyə kömək edə bilər.

Depressiya ilə mübarizə aparan qidaları təqdim edirik ...

1. Şokolad - Şəkərsiz və tünd şokolad sinirləri sakitləşdirir və kortizol hormonunu azaldaraq stressi azaldır.

2. Süd - Süd D vitamininin yaxşı mənbəyidir. Vücudunuzda D vitamini səviyyəsi çox aşağıdırsa, bu bəzən depressiyaya səbəb ola bilər. Norveçdə aparılan bir araşdırma müəyyən edib ki, D vitamini əlavələri qəbul edən insanlar, qəbul etməyənlərə nisbətən daha az depressiyaya düşüblər. Əgər süd məhsullarını sevmirsinizsə, qida rasionunuzda D vitaminini zənginləşdirilmiş taxıllar, meyvə şirələri və konservləşdirilmiş balıqlarla artıra bilərsiniz.

3. Badam - Tərkibində yüksək miqdarda maqnezium var. Maqnezium sakitləşdirici və rahatlaşdırıcı təsir göstərir. Buna görə də stressli və ya narahat olduğunuz zaman badam yeyə bilərsiniz.

4. Bal - Balın tərkibində təbii şəkər olduğu üçün qəfil şirin istəklərimiz yarandıqda və ya bədbəxt hiss etdiyimiz zaman süni məhsullar yerinə seçə biləcəyimiz bir qidadır. Tərkibindəki bu təbii şəkər depressiv hisslərlə mübarizə aparmağa kömək edir və sinirləri sakitləşdirir. Gün ərzində 1 çay qaşığı bal gərginliyi azaldır və sakitlik verir.

5. Qoz-fındıq- Bu qidalar bədəninizi sərbəst radikallar adlanan kiçik, zərərli hissəciklərdən qorumağa kömək edən selenlə zəngindir.  

6. Alma -  B qrupu vitaminləri, kalium və fosfor mənbəyi olan alma sinirləri sakitləşdirici təsirə malikdir. Eyni zamanda əhval pozğunluğundan əziyyət çəkən insanlar üçün gündəlik alma istehlakı depressiya kimi xəstəliklərin müalicəsində də faydalıdır.

8. Qəhvə - Kofein sizi daha motivasiyalı hiss etməyə kömək edə bilər. Tədqiqatçılar deyirlər ki, bir fincan qəhvə depressiya riskinizi azalda bilər. 

9. Hil - Sinirlərə sakitləşdirici təsir göstərir. Onu dəmləyib içdiyiniz zaman psixoloji rahatlamanıza kömək edir və stressinizi azaldır. 

10. Banan - Bananlarda yüksək miqdarda kalium var. Kalium sinir sistemini gücləndirməyə kömək edir və narahatlıqla mübarizədə çox faydalıdır.