Günün ən vacib yeməyi sayılan səhər yeməyi sizə təkcə enerji vermir. Düzgün qidalarla istehlak edildikdə, bioloji yaşınızı xeyli geri çəkə bilər.

"dogruxeber.tv" xəbər verir ki, amerikalı uzunömürlülük üzrə tədqiqatçı doktor Erik Verdin öz səhər yeməyi menyusu ilə bioloji yaşını 15 il tərsinə çevirdiyini iddia edib.

Belə ki, 68 yaşlı Dr. Verdinin sözlərinə görə, səhər yeməyi zamanı edilən seçimlər təkcə günün istiqamətini deyil, həm də həyat keyfiyyətini müəyyən edir. Müasir yemək vərdişlərinin qocalmanı tətiklədiyini iddia edən Verdin, “Təsəvvür edə biləcəyiniz ən pis səhər yeməyi, bir stəkan portağal suyu ilə bir fincan şəkərli taxıldır”, – deyib.

Mütəxəssisin sözlərinə görə, yüksək şəkərli səhər yeməyi qan şəkərinin dəyişməsinə səbəb olur və bu, həm maddələr mübadiləsinə, həm də zehni aydınlığa mənfi təsir göstərir.

Xronoloji yaş dəyişdirilə bilmədiyi kimi, əksinə, bioloji yaş idarə oluna bilər. Verdinin müdafiə etdiyi bu yanaşma epigenetik testlər və geyilə bilən sağlamlıq texnologiyaları ilə dəstəklənir. Araşdırmalara görə, qidalanma vərdişləri, yuxu rejimi və stressin idarə edilməsi kimi amillərlə orqanizmin qocalma prosesini yavaşlatmaq və ya hətta geri qaytarmaq olar.

Dr. Verdin səhər yeməyi nümunəsi, işlənmiş və şəkərli qidalardan qaçmaq, balanslı və doyduran təklif təqdim edir:

Zeytun yağında bişmiş yumurta,
Tam buğda çörəyi üzərində avokado,
Hisə verilmiş və ya sobada bişmiş qızılbalıq.

Verdin qeyd edir ki, bu qidalar təkcə zülal və sağlam yağ mənbəyi deyil, həm də beyin sağlamlığı, həzm sistemi və hüceyrələrin yenilənməsi üçün idealdır. Kərə yağı yerinə zeytun yağından istifadə etmək həm antioksidan, həm də iltihab əleyhinə təsirlər üçün tövsiyə edilir.