Bavariyanın baş naziri Markus Söder Münhen hava limanında pilotsuz təyyarə ilə bağlı insidentdə Rusiyanın əli ola biləcəyini bəyan edib.

"DogruXeber.tv" xəbər verir ki, o, bu barədə yerli mətbuata açıqlama verib.

Söder bunu dəqiq təsdiqləyə bilməyəcəyini, lakin PUA-nın hava limanı yaxınlığında görünməsinin hansısa yolla Rusiya ilə bağlı olduğuna söyləyib.

"Bu həm də bizi əsəbiləşdirmək və içimizə qorxu salmaq üçün hazırlanmış hibrid müharibənin bir formasıdır. Bu səbəbdən zəiflik və ya qorxu nümayiş etdirməməliyik", - deyə baş nazir ifadə edib.

Xatırladaq ki, oktyabrın 3-dən 4-nə keçən gecə Münhen Hava Limanı aeroport üzərində naməlum pilotsuz uçuş aparatları səbəbindən fəaliyyətini müvəqqəti dayandırıb. Nəticədə onlarla reys təxirə salınıb.