Azərbaycan son illərdə regionun ən güclü və sabit inkişaf modeli kimi önə çıxır. Prezident İlham Əliyevin uzaqgörən siyasəti nəticəsində ölkəmiz həm iqtisadi, həm də siyasi müstəvidə möhkəm dayaqlara sahib olub.

“DogruXeber.tv” olaraq biz hesab edirik ki, dövlət başçısının milli maraqları əsas tutan, sülh və inkişaf yönümlü siyasəti bu gün təkcə Azərbaycan üçün deyil, bütövlükdə Cənubi Qafqaz regionu üçün sabitliyin təminatıdır.

Prezidentin rəhbərliyi ilə həyata keçirilən iqtisadi islahatlar, beynəlxalq əməkdaşlıq və diplomatik addımlar Azərbaycanın qlobal nüfuzunu artırmaqla yanaşı, vətəndaş rifahının da yüksəlməsinə xidmət edir. “DogruXeber.tv” olaraq daim qeyd edirik ki, bu siyasət uzaqgörənlik, dövlətçilik ənənələrinə sadiqlik və güclü idarəçilik nümunəsidir. Lakin təəssüf ki, ölkə daxilində bəzi şəxslər və qruplar şəxsi maraqlarını dövlət maraqlarından üstün tutaraq, öz qanunsuz addımları ilə bu uğurlu siyasəti kölgə altına salmağa çalışırlar.

Belə şəxslərin davranışları təkcə cəmiyyətin etimadına deyil, həm də dövlət başçısının etibarına zərbə vurur. Onlar öz vəzifə məsuliyyətlərini unudaraq, şəxsi mənafeyə xidmət edir, Prezidentin qurduğu ədalətli və şəffaf idarəetmə sisteminə zidd mövqe sərgiləyirlər. Bu cür hallar dövlətin əsas ideyası olan milli həmrəyliyə xələl gətirir və xalqın dövlətə inamını sarsıtmaq məqsədi güdür.

Azərbaycan xalqı illərdir Prezident İlham Əliyevin ətrafında birləşərək güclü dövlətin formalaşması yolunda addımlayır. Ölkə başçısının məqsədi xalqın rifahını, dövlətin möhkəmliyini və milli maraqları qorumaqdır. Buna görə də, hər bir məmur və vətəndaş bu siyasətə dəstək olmalı, şəxsi maraqlarını kənara qoyaraq dövlətin inkişafına töhfə verməlidir.

Prezidentin rəhbərliyi ilə Azərbaycan bu gün qətiyyətli, sabit və güclü bir dövlət kimi tarix yazır.

Biz, “DogruXeber.tv” kollektivi olaraq, ölkə başçısının siyasətini dəstəkləyir, milli maraqların qorunması naminə hər zaman dövlətçiliyin yanında olduğumuzu qətiyyətlə bəyan edirik.