“Zəngəzurdan “Tramp yolu”nun açılmasında həm Türkiyə, həm də Azərbaycanın eyni məqsədləri var. İki ölkə arasında mümkün qədər çox əlaqə yaratmaq niyyəti güdürülər”.

"DogruXeber.tv" .az xəbər verir ki, bu sözləri politoloq Ruben Safrastyan deyib.
O iddia edib ki, Zəngəzur dəhlizi açılarsa, ermənilər heç də rahatlıqla Azərbaycan ərazisindən keçərək, Rusiyaya gedə bilməyəcəklər. “Sovet illərində İrəvandan Bakıya dəmir yolu ilə getmişdim. O zaman bizə deyirdilər ki, qatar Naxçıvan ərazisindən keçəndə pəncərələrdən uzaq durun. Çünki bizə daş atırdılar”.
Safrastyan bildirib ki, Rusiyanı Azərbaycan üzərindən İranla birləşdirməli olan dəmir yolunun tikintisi Rusiya üçün strateji əhəmiyyət kəsb edir. “Bununla da Rusiya Fars körfəzinə çıxmaq imkanı əldə edəcək”.
Erməni politoloq sonda Zəngəzur dəhlizinin Ermənistan üçün strateji əhəmiyyət daşıdığını da etiraf edib. “Zəngəzur dəhlizi Ermənistanın əlində çox vacib bir kartdır. Çünki bu gün müxtəlif ölkələr arasında geoiqtisadi maraq var və onun açarı Ermənistanın əlindədir. Ermənistan o açarı əlində möhkəm tutmalı və heç kimin bu açarı əlindən almasına imkan verməməlidir”.
Qeyd edək ki, Safrastyan Zəngəzur dəhlizi ilk gündəmə gələndə ona qarşı çıxanlardan idi. Lakin son zamanlar bu məsələdə fikrini dəyişib. Görünür, bağlı olduğu rus kanalları ondan mövqeyini dəyişməsini tələb ediblər.