İsrailin baş naziri Binyamin Netanyahu Livanla “Hizbullah”ın tərksilah edilməsi və münaqişənin həlli ilə bağlı birbaşa danışıqlara başlamağı tapşırdığını bildirib.

DogruXeber.tv xəbər verir ki, bu barədə TASS-a istinadən baş nazirin ofisi məlumat yayıb.

“Livan tərəfindən təkrarlanan müraciətləri nəzərə alaraq, ən qısa zamanda Livan tərəfi ilə birbaşa danışıqlara başlamağı tapşırdım. Danışıqlar ‘Hizbullah’ın tərksilah edilməsi və İsrail ilə Livan arasında münasibətlərin tənzimlənməsinə yönələcək”, – deyə Netanyahu qeyd edib.

O əlavə edib ki, İsrail Livanın baş nazirinin Beyrutun demilitarizasiyası ilə bağlı son açıqlamasını yüksək qiymətləndirir.

Qeyd edək ki, “Hizbullah” Hizbullah Livanda fəaliyyət göstərən şiə hərbi-siyasi hərəkatdır və regionda mühüm təsir gücünə malikdir.