Milli Məclisə deputat seçilən N.Arpadarai şəxsi instaqram hesabında görəcəyi işlər haqqında məlumat verib. Xanım deputat artıq dünən Millin Məclisin ikinci sessiyasının baş tutduğunu və tam gücü ilə işə başladığını bildirib:

"Əzizlərim, dünən Milli Məclisin ikinci sessiyası baş tutdu, deputat vəsiqələri təqdim olundu. Ailə, qadın, uşaq məsələləri və Beynəlxalq münasibətlər və parlamentlərarası əlaqələr komitələrində üzvlüyüm təsdiq olundu. Artıq tam gücümüzlə işə başlamışıq".

Millət vəkili təşviqat dövründə söz verdiyi məsələlər haqqında da məlumat verib. O, hazırda Səbail ərazisində sənədsiz evlərin sənədləşməsi ilə bağlı mövzunun aidiyyatı olan qurumlar qarşısında qaldırılması üzərində işlədiyini bildirib:

"Təşviqat kampaniyası dövründə söz verdiyim kimi, məhz sizi narahat edən məsələlərdən başlayaraq, sosial sifariş əsasında qanunvericik üzrə təkliflərimi verməyi planlaşdırıram. Vəd etdiyim kimi, təhsil, infrastruktur və qadınların məşğulluğu məsələləri ilkin mərhələdə mənim üçün prioritet olan mövzulardır. Hazırda üzərində işlədiyim mövzulardan biri Səbail ərazisində sənədsiz evlərin sənədləşməsi ilə bağlı mövzunun aidiyyatı olan qurumlar qarşısında qaldırılmasıdır. Növbəti həftələr ərzində bu məsələ ilə bağlı məlumat bölüşəcəyəm"

Qeyd edək ki, Nigar Arpadarai Bakıda "Formula 1" üzrə ilk Qran-prinin keçirildiyi 2016-cı ildən BŞH-də Marketinq və kommunikasiya şöbəsinin rəhbəri kimi çalışıb. O, 2020-ci il fevralın 9-na təyin edilmiş Milli Məclisə seçkilərdə 29 saylı Səbail Seçki Dairəsinə bitərəf namizəd kimi qatılaraq millət vəkili seçilib.Şəlalə Babayeva