Bakı sakini 36 yaşlı qayınını bıçaqladı
Bakının Xətai rayonunda məişət münaqişəsi bir nəfərin bıçaqlanaraq, ağır yaralanması ilə başa çatıb.
dogruxeber.tv Oxu.az-a hüquq-mühafizə orqanlarından verilən məlumata əsasən bildirir ki, iyulun 31-də saat 21:00 radələrində 1987-ci il təvəllüdlü paytaxt sakini Seymur Məlikov 1984-cü il təvəllüdlü qayını Elmir Hüseynovun qarın nahiyəsinə bıçaqla xəsarət yetirib.
Zərərçəkən 3 saylı Şəhər Klinik Xəstəxanasına yerləşdirilib.
Cinayətin törədilməsində şübhəli bilinən şəxs tutulub, onun barəsində Cinayət Məcəlləsinin 126-cı maddəsi (ağır xəsarət yetirmə) üzrə cinayət işinə başlanılıb.