Bakının Nərimanov rayonunda ev yanıb.

dogruxeber.tv bu barədə Fövqəladə Hallar Nazirliyinə istinadən xəbər verir.Bildirilib ki, Nərimanov rayonunda ikimərtəbəli kommunal tipli yaşayış binasının ikinci mərtəbəsində ümumi sahəsi 80 kvadrat metr olan mənzilin dam örtüyünün yanar konstruksiyaları 20 kvadrat metr sahədə yanıb.

Mənzilin qalan hissəsi və digər mənzillər yanğından mühafizə olunub. Alov yanğından mühafizə bölmələri tərəfindən söndürülüb.