Ukrayna prezidenti Vladimir Zelenski baş nazir Fumio Kişida ilə bu yaxınlarda telefon danışığında Yaponiya-Ukrayna təhlükəsizlik sazişi bağlamağa həvəsini ifadə edib.

"dogruxeber.tv" japannews-a istinadən bildirir ki, açıqlamada Zelenski iyul ayında qəbul edilmiş Ukrayna üçün uzunmüddətli təhlükəsizlik təminatlarına dair Yeddilik Qrupunun Birgə Bəyannaməsini yüksək qiymətləndirib.

- “Bu bəyannamə çərçivəsində müvafiq ikitərəfli sazişlərin bağlanmasının vaxtı çatıb. Biz Yaponiya ilə bu danışıqlar prosesinə ən qısa zamanda başlamağa hazırıq”, - deyə Zelenski bildirib.

O, həmçinin bildirib ki, Rusiya Ukraynaya taxılını Qara dəniz limanları vasitəsilə qlobal bazarlara ixrac etməyə imkan verən razılaşmanı dayandırdıqdan sonra Ukrayna “taxıl dəhlizi”ni genişləndirmək üçün alternativ marşrutlar yaradır.

- “Ukrayna qlobal ərzaq təhlükəsizliyinin qarantı olaraq qalmağa hazırdır”, - deyə o, bildirib.

Kişida ötən gün bildirib ki, o, 20 dəqiqəlik telefon danışığı zamanı Zelenskiyə Yaponiyanın iqtisadi və digər yardımlarını davam etdirəcəyini deyib və Yaponiyanın Ukrayna ilə yaxından işləməyə davam edəcəyi ilə razılaşıb.

dogruxeber.tv
Asiman Əsədsoy