ABŞ-nin yeni seçilmiş prezidenti Donald Tramp vəzifəyə başlamazdan əvvəl seçkiqabağı kampaniyasında verdiyi bəzi əsas vədlərdən imtina edib.

"dogruxeber.tv" xəbər verir ki, bu barədə Amerika KİV-ləri məlumat dərc edib.

Bildirilir ki, Tramp seçki kampaniyası zamanı prezident kimi görəcəyi işlərlə bağlı bir çox böyük vədlər verib. Bununla belə, seçkidə qalib gələn həftələr ərzində Tramp və onun keçid komandası ən vacib öhdəliklərindən bəzilərindən imtina ediblər.

"İndi Tramp deyir ki, o, Rusiyanın Ukraynadakı müharibəsi problemini altı ay ərzində həll etməyə çalışacaq, baxmayaraq ki, seçkilərdən əvvəl bunu “hətta andiçmə mərasimindən əvvəl” və “24 saat ərzində” edəcəyinə söz vermişdi", - KİV yazıb.