Qaradağ rayon İcra Hakimiyyətinin keçirdiyi tenderin nəticələri ləğv olunub.

"dogruxeber.tv" Tribunainfo.az-a istinadən xəbər verir ki, söhbət İcra Hakimiyyətinin tabeliyində olan Mənzil-Kommunal Təsərrüfatı İstehsalat Birliyinin park və küçələrin abadlaşdırılması məsələsindən gedir.

Məlumatda deyilir ki, MKTİB Qaradağ rayonunda küçə və parklarda görüləcək abadlıq işləri xidmətlərinin satınalınmasını reallaşdırmaq istəyib. Bunun üçün 721 min 316 manat vəsait ayırdığını də bəyan edib. Lakin Anti İnhisar və İstehlak Bazarına Nəzarət Dövlət Xidməti qanunun 33.10-cu maddəsini əsas tutaraq, İcra Hakimiyyətinin “Dövlət satınalmaları haqqında” qanunun 36.1.3.-ci maddəsini pozduğunu müəyyən edib. Və tenderin ləğvi ilə yanaşı, yenidən keçiriləməsini də mümkünsüz hesab edib.