YAP-ın 110 saylı Balakən seçki dairəsindən deputatlığa namizədi yenə də Məhəməliyev Nəsib Məhəmməd oğludur. O, V və VI çağırış Milli Məclisin üzvü olub. Parlament fəaliyyətinə qədər isə Bakının Nəsimi rayon icra hakimiyyətinin başçısı vəzifəsini tutub.

"DogruXeber.tv"nin "Azərbaycan Reallığı"na istinad məlumatına görə, N.Məhəməliyev icra başçısı olduğu dövrdə tez-tez yaşıllıqların qırılmasına şərait yaratmaqda, obyekt tikintisinə qanunsuz icazələr verməkdə və büdcə vəsaitlərinin mənimsənilməsində hallanıb. Deputat kimi fəaliyyəti dövründə isə xüsusi aktivliyi ilə seçilməyib.

Balakən seçiciləri də sosial şəbəkələrdə dəfələrlə onun fəaliyyətsizliyindən narazılıqlarını ifadə ediblər. Onların sözlərinə görə, Məhəməliyev seçiciləri ilə maraqlanmayıb və yalnız şəxsi mənafelərini güdüb. Buna baxmayaraq, hakim partiya onu yenidən namizəd irəli sürüb. Balakən sakinləri isə əhalinin problemlərinə diqqət göstərəcək, seçicilərlə işləyən bir deputata ehtiyacları olduğunu vurğulayırlar.

Sosial şəbəkələrdə Məhəməliyevin həm Balakəndə, həm də Bakıda topladığı sərvət və biznes siyahısı yayılır. İddialara görə, onun Balakəndəki mülkləri bunlardır:

1. Şəhərin mərkəzində MMOİL yanacaqdoldurma məntəqəsi

2. Qabaqçöl qəsəbəsində MMOİL yanacaqdoldurma məntəqəsi

3. Poçtbinə kəndində yanacaqdoldurma məntəqəsi

4. Hənifə kəndində kərpic zavodu

5. Balakən mərkəzi bazarı

6. İcra hakimiyyətinin yanında kafe

7. Qabaqçöldə 100 hektar torpaq və qoyun sürüsü

8. Tülü kəndindəki keçmiş saray yeri

9. Rayonun mərkəzindəki anbarlar

10. Keçmiş çörək zavodu

11. Rayonun girişində dağın ətəyində villa

12. Dəyirman

13. Keçmiş univermaq ərazisi

14. İtitala kəndində qum karxanası

15. Keçmiş tara bazası

16. Bazarın qarşısında 21 mağaza

17. Qobustanda daş karxanası və qoyun sürüsü


Bundan başqa, Nəsib Məhəməliyevin Nəsimi rayon icra başçısı olduğu dövrdə Bakıda əldə etdiyi obyektlər də sadalanır:

1. “Əlibaba” dönərxanası və aptek (20 Yanvar küçəsi, Asif Məhərrəmov küçəsi kəsişməsi)

2. Asif Məhərrəmov küçəsində möhtəşəm ofis binası

3. “Unibank” binası (Asif Məhərrəmov küçəsi 22a)

4. “Modera” mebel salonu (Məmmədcəfər Cəfərov küçəsi yaxınlığı)

5. Mir Cəlal küçəsində “Leyla” şadlıq evinin qarşısında böyük sahə

6. Mir Cəlal küçəsi 36-da ofis binası

7. Mir Cəlal küçəsi 63-də “Assorti” restoranı

8. Zərifə Əliyeva göz klinikası ilə üzbəüz aptek və restoran

9. “Deka Bank” və yaxınlıqda tikilmiş bina (20 Yanvar küçəsi)

10. “Qızıl Tac” şadlıq evi qarşısındakı obyektlər və şadlıq evləri kompleksi

11. “Qızıl Tac”ın arxasındakı stadion

12. “Əcəmi” metrosu yaxınlığında “Bakcell” və “Azercell” dükanları

13. “Moskva” univermağı ilə üzbəüz çayxanalar və bina

14. Cavadxan küçəsi 26-da “İdeal” ayaqqabı mağazası və aptek

15. “Ərzurum” şadlıq evi yanında yeni bina

16. Hərbi Hospitalın qarşısında 3 villa

17. Tibb Universiteti qarşısında restoran (Səməd Vurğun küçəsi 116)

18. Mir Cəlal Paşayev küçəsində uşaq bağçası kompleksi – lakin təhvil verməyib, həyat yoldaşının adına özəlləşdirib və bağlı saxlayır


Yazıda adları çəkilən hər kəsin cavab haqqını tanıyırıq