Amazon meşələri dünyanın ən zəngin və sirli ekosistemlərindən biri olaraq qalır. Burada tapılan yeni canlı növləri, qəribə səs və hərəkət mexanizmləri ilə seçilən bitkilər daim elm adamlarının diqqətini çəkir. Son illərdə Braziliya və Peru sərhədləri arasında aparılan bioloji ekspedisiyalarda qeydə alınmış bəzi hadisələr xüsusilə maraq doğurub. “Danışan ağac” adlandırılan bu fenomen, səyyahlar və yerli tayfalar tərəfindən artıq uzun illərdir tanınır.

"DogruXeber.tv" bu məsələ ilə bağlı müxtəlif mənbələri və şahid ifadələrini araşdırıb.

İlk qeydlərə görə, müəyyən bölgələrdəki ağaclar insan danışığını xatırladan səslər çıxarır. Bu səslərin bir qismi fısıltı, digərləri isə sanki sözlər deyirmiş kimi eşidilir. Yerli tayfalar bu ağaclara ruhlarla əlaqəli canlı varlıq kimi yanaşır, onlarla “ünsiyyət qurmaq” üçün müəyyən ayinlər icra edirlər. "

DogruXeber.tv" tərəfindən araşdırılmış məlumatlara əsasən, bəzi bioloqlar bu səslərin ağacın qabığında və ya kökündə yaşayan mikroorqanizmlər və hava axınları nəticəsində yarandığını irəli sürsə də, bunun da hər nümunəyə tam izah verə bilmədiyini qeyd edirlər.

Bu hadisənin müşahidə edildiyi ağacların əksəriyyəti tropik və nəmli ərazilərdə yerləşir və yalnız müəyyən saatlarda “səs vermə” xüsusiyyəti göstərir. Ən çox qeyd edilən zaman aralığı isə axşam saatları və sübhə yaxın saatlardır. Bu da bəzi mistik baxışlara yol açır. Tayfa ağılları bu ağacları meşə ruhlarının insanlarla əlaqə vasitəsi kimi qəbul edir. Beləliklə, bu “danışan ağac” hadisəsi nə tam elmlə izah edilə bilir, nə də sadəcə mif kimi rədd edilə bilər. Hələlik bu sirr öz qaranlığını qoruyur.