Dövlət Gömrük Komitəsi ötən gün yeni tenderinin nəticəsini açıqlayıb..

"DogruXeber.tv" Tribunainfo.az - a istinadən xəbər verir ki, komitə elektrik generatorlarının satın alınması prosesini yekunlaşdırıb.

Belə ki, dövlət qurumu “ARAZNET” MMC ilə satınalma müqaviləsi bağlayıb və bunun üçün 507 min 651 manat pul ödəyəcək.

Açıq mənbələrdə qeyd edilir ki, DGK toplam 4 ədədə generator alacaq. Yəni, generatorların hər birinin ortalama qiyməti 126 min manat təşkil edəcək.

Qeydd edək ki, “Araznet” MMC 1993-cü ildə yaradılıb. Şirkətin 4 mağazası və 1 servis mərkəzi fəaliyyət göstərir. Şirkətin rəsmi saytında qeyd edilir ki, dünyanın aparıcı şirkətlərinin istehsalı olan videonəzarət və təhlükəsizlik sistemlərinin, rəqəmsal dünyanın avadanlıqlarının topdan və pərakəndə satışı üzrə ixtisaslaşıblar. Moldova və Gürcüstan bazarlarında da payları mövcuddur. Eyni zamanda, açıq mənbələrdə qeyd edilir ki, şirkət Naxçıvanda fəaliyyət göstərir. “Araznet”in rəhbəri isə Surxay Ələkbərovdur.

Maraqlı məqam odur ki, əgər “Araznet” MMC 1993-cü ildən Naxçıvanda fəaliyyət göstəribsə, onun Naxçıvan Ali Məclisinin keçmiş sədri Vasif Talibovla bu və ya digər formada əlaqələri olub. Çünki Naxçıvanda elə bir şirkət olmayıb ki, Talıbovların orada payı olmasın.

Qarşı tərəfi dinləməyə hazırıq.