Gənclər və İdman Nazirliyi "Azfar-Trans" Qapalı Səhmdar Cəmiyyəti (QSC) ilə satınalma müqaviləsi imzalayıb.

"DogruXeber.tv" xəbər verir ki, müqavilədə stadion icarəsi nəzərdə tutulur. Müqavilənin maliyyə dəyəri 49 560 manatdır. Satınalma proseduru birmənbə metodu ilə keçirilib.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "Azfar-Trans" QSC 23 fevral 2016-cı ildə qeydiyyata alınıb. Nizamnamə kapitalı 2010 manatdır. Şirkətin hüquqi ünvanı Bakı şəhəri Nərimanov rayonu, Ağasadıq Gəraybəyli küçəsi, ev 5A-da yerləşir. QSC-nin qanuni təmsilçisi Nəsibov Taleh Asif oğludur. O, şirkətdə direktor vəzifəsini tutur. Lakin Taleh Nəsibov "Azfar-Trans"QSC-nin sahibi deyil.

"Azfar-Trans" QSC Məhdud Məsuliyyətli Cəmiyyət (MMC) kimi təsis edilib. 2019-cu ildə şirkətin təşkilati-hüquqi dəyişdirilib.

"Azfar-Trans" QSC "Azfar Group"a daxildir. "Azfar Group" 2008-ci ildə təsis edilib. QSC-nin rəsmi internet səhifəsində yerləşdirilən məlumata görə, şirkət həvəskar və peşəkar futbol meydançalarının tikintisi və idarə edilməsi üzrə ixtisaslaşıb.

QSC-nin direktoru Taleh Nəsibov həm də "Zirə" futbol klubunun və Azərbaycan Mini Futbol Federasiyasının İcraçı vitse-prezidentidir. //Qaynarinfo