Klimatoloqlar yaxın aylarda Yer kürəsində XXI əsrin ən güclü El-Ninyo təbiət hadisələrindən birinin baş verə biləcəyi barədə xəbərdarlıq edirlər.

"New-Science.ru" portalının yaydığı məlumata görə, mütəxəssislər hazırda "super El-Ninyo" ehtimalını ciddi şəkildə nəzərdən keçirirlər. Bu fenomen planetin müxtəlif bölgələrində anomal dərəcədə yüksək temperatur göstəricilərinə, rekord isti dalğalarına, irimiqyaslı daşqınlara və hava şəraitində kəskin kənaraçıxmalara səbəb ola bilər.

Materialda qeyd olunan proqnozlara əsasən, iyun ayına qədər El-Ninyonun geri qayıtma ehtimalı təxminən 70% səviyyəsində qiymətləndirilir. Əgər bu proqnoz özünü doğrultsa, sözügedən hadisə müşahidə olunma tarixin dünyada ən intensiv iqlim hadisələrindən biri kimi qeydə alına bilər. Bir qayda olaraq, El-Ninyo Avstraliya, Afrika, Hindistan və Latın Amerikasının bir sıra regionlarında kəskin istiləşməyə yol açır. Mütəxəssislər bu təbiət hadisəsinin səbəbini Sakit okeanın ekvator zonasında səth sularının həddindən artıq isinməsi ilə əlaqələndirirlər; belə ki, toplanan istilik şərqə doğru yerdəyişmə edərək atmosferdə yenidən paylanır və nəticədə öyrəşdiyimiz iqlim proseslərinin tarazlığı pozulur.