Fransanın materik hissəsinin 96 departamentindən 49-da ən yüksək - qırmızı meteoroloji təhlükə səviyyəsi elan edilib.

DogruXeber.tv xəbər verir ki, bu barədə ölkənin Milli Meteorologiya Xidməti məlumat yayıb.

Xəbərdarlıq Paris və paytaxt regionu İl-de-Frans üçün də keçərlidir.

Qeyd edilir ki, indiyə kimi heç vaxt qırmızı təhlükə səviyyəsi eyni vaxtda bu qədər çox sayda departamenti əhatə etməyib.

Həmin ərazilərdə termometrlərin göstəriciləri 42 dərəcəyə qədər yüksələcək. Proqnozlara görə, isti hava şəraiti qarşıdan gələn həftə ərzində güclənərək davam edəcək.
Qeyd edək ki, bundan başqa, 40 departamentdə narıncı, 7 departamentdə isə sarı xəbərdarlıq səviyyəsi qüvvədədir.