Bazar ertəsi Rusiya Danimarka və Hollandiyanın Ukraynaya F-16 qırıcıları bağışlamaq qərarını pisləyib və bu addımın münaqişəni daha da gərginləşdirəcəyini bildirib.

Ötən gün Danimarka və Hollandiya Ukraynaya F-16-lar tədarük edəcəklərini açıqladılar, ilk altısı isə Yeni il ərəfəsində təslim ediləcək.

Rusiya səfiri Vladimir Barbin Ritzau xəbər agentliyinə istinadla verdiyi açıqlamada,- "Danimarkanın indi Ukraynaya 19 F-16 təyyarəsi hədiyyə etmək qərarına gəlməsi münaqişənin kəskinləşməsinə səbəb olur" - deyə bildirib.

- “Ukraynanın sülh üçün şərtləri özü müəyyən etməli olduğu müddəasının arxasında gizlənən Danimarka öz hərəkətləri və sözləri ilə Ukraynanı Rusiya ilə hərbi qarşıdurmanı davam etdirməkdən başqa çarəsiz qoyub getməyə çalışır”,

"dogruxeber.tv" theguardian.com-a istinadən qeyd edir ki, Danimarkanın müdafiə naziri Yakob Ellemann-Jensen bildirib ki, Ukrayna yalnız öz ərazisində hədiyyə edilmiş F-16-lardan istifadə edə bilər.

Bu gün Ellemann-Jensen deyib ki, - "Biz silahları bir şərtlə veririk - onlardan düşməni Ukrayna ərazisindən çıxarmaq üçün istifadə olunsun."

İstər tanklar, istər döyüş təyyarələri, istərsə də başqa bir şey olsun, bu şərtlərdir.

Danimarka ümumilikdə 19 təyyarə tədarük edəcək. Hollandiyada 42 ədəd F-16 var, lakin onların hamısının hədiyyə edilib-edilməyəcəyinə hələ qərar verilməyib.

Ukrayna prezidenti Vladimir Zelenski bazar günü deyib ki, təyyarələr Ukraynanın hava hücumundan müdafiəsini gücləndirəcək və Rusiya qüvvələrinə qarşı əks hücuma kömək edəcək.

dogruxeber.tv
Gültəkin Talıbqızı