Yaponiya hökuməti “şimal əraziləri”ndə (Yaponiyada Kuril adalarının cənub hissəsi adlandırıldığı kimi) keçirilən Rusiya prezident seçkilərini tanımır, onları yerli Yapon əraziləri hesab edir.

"dogruxeber.tv" interfax-a istinadən bildirir ki, bu barədə Yaponiyanın xarici işlər naziri Yoko Kamikava mətbuat konfransı zamanı bildirib.

"Ölkəmizin suverenliyinin əhatə etdiyi şimal əraziləri ölkəmizin ata-baba əraziləridir və Rusiya orada qanunsuz seçkilər keçirməkdə davam edir. Bu, qeyd etdiyiniz prezident seçkilərinə də aiddir", - Kamikava jurnalistlərin müvafiq sualını cavablandırıb. .

O, həmçinin Ukraynadakı mövcud vəziyyətə görə sülh müqaviləsinin imzalanması və ərazi mübahisəsinin həlli ilə bağlı Rusiya ilə dialoqu bərpa etməyin mümkün olmadığı arqumentini təkrarlayıb.

Bundan əvvəl Yaponiya rəsmiləri də bəyan etmişdilər ki, Yaponiya Tokionun Ukrayna hesab etdiyi bölgələrdə Rusiya prezident seçkilərinin nəticələrini tanımır.