“İran, Rusiya və Çinin Qafqaz və Orta Asiyada ABŞ, Böyük Britaniya, Türkiyə və İsrailin təsirinə qarşı birgə hərəkət etməlidir”.

"DogruXeber.tv" xəbər verir ki, bunu anti-Azərbaycan mövqeyi ilə tanınan iranlı politoloq Ehsan Movəhhediyan deyib.

Onun sözlərinə görə, Qafqaz artıq Tehran və Moskva üçün “çətin coğrafiyaya” çevrilib.

Movəhhediyan iddia edib ki, Qərb Ermənistan və Tacikistanı Türk Dövlətləri Təşkilatına cəlb etmək istəyir. “Həmçinin ABŞ Ermənistanda kəşfiyyat məqsədli böyük məlumat mərkəzi inşa edib”.

Bundan başqa, o, Qərbin Azərbaycanı Mərkəzi Asiya platformasına “6+1” formatında daxil etməsini Rusiya və İran üçün təhdid hesab edib. Bu azmış kimi, iranlı politoloq “Bakı Moskvaya qarşı təxribat fəaliyyəti aparır” iddiasını da irəli sürüb.//Tribuna.az