Naxçıvan Dövlət Universiteti (NDU) iki məsələ illə bağlı tenderlərini elan edib.

"DogruXeber.tv" xəbər verir ki, martın 19-da açıqlanacaq tenderlərdən biri ilboyu keçiriləcək tədbirlərlə bağlıdır.

Məlumatda deyilir ki, həmin tədbirlərin təşkili üçün müsabiqə elan edilib. Bu işləri görəcək şirkətə isə 179 min 434 manat təklif olunacaq.

NDU-nin ikinci tenderi isə xidməti avtonəqliyyat vasitələrinin satın alınması ilə bağlıdır. Məlumatda vurğulanır ki, universitet bu məqsədlə 376 min 965 manatlıq büdcə ayırıb. Həmin pulla bir ədəd avtobus, 1 ədəd bortlu yük nəqliyyat vasitəsi və 10 tonluq texniki su maşını alınacaq.

Məsələnin maraqlı tərəfi odur ki, bu nəqliyyat vasitələri mahiyyət etibarı ilə xidməti maşın hesab olunmurlar. Yəni, bu tenderdən başa düşülən odur ki, NDU-nun rektoru, prorektoru və ya dekanları su maşınında işə gedəcəklər.

Qarşı tərəfi də dinləməyə hazırıq.//Tribuna.az