İranın idman naziri Həmid Səccadi və digər yüksək vəzifəli şəxslər cümə axşamı helikopterin qəzaya uğraması nəticəsində ciddi xəsarət alıblar.

"dogruxeber.tv" "Tehrantimes"a istinadən bildirir ki, Vertolyot Kirman əyalətinin cənubundakı Baft şəhərindəki idman kompleksinə enərkən qəzaya uğrayıb.

İdman nazirinin baş müşaviri və nazirliyin baş direktoru İsmail Əhmədi hadisə nəticəsində həlak olub. Kerman fövqəladə hallar xidmətinin rəhbəri təsdiqləyib.

İdman naziri Həmid Səccadi beyin qanaması keçirib və Kermandakı Bahonar xəstəxanasına yerləşdirilib.

Kirmandakı Qızıl Aypara Cəmiyyəti vertolyotun təxminən 10-15 metr hündürlükdən qəzaya uğradığı zaman göyərtəsində ən azı 16 nəfərin olduğunu bildirib.

Səccadi 1992 və 1996 Yay Olimpiya Oyunlarında İranı təmsil edən keçmiş uzun məsafəyə qaçışçıdır.

dogruxeber.tv
Anarə Muhəmməd