İnsan tarixinin ən sirli mərhələlərindən biri də yazının və rəsmi tarixin formalaşmasından əvvəlki dövrdür. Bu dövrdə baş vermiş hadisələr, yaşamış canlılar və mədəniyyətlər haqqında yalnız qismən məlumatlara sahibik. Son illərdə bəzi arxeoloqlar və mifoloji tədqiqatçılar tərəfindən ortaya atılan bir iddia isə maraqlı müzakirələrə səbəb olub. Bu iddiaya görə, keçmişdə su altında yaşayan və həm suda, həm quruda hərəkət edə bilən insanabənzər bir növ mövcud olub.

"DogruXeber.tv" bu nəzəriyyəni və onunla bağlı ortaya çıxan tapıntıları araşdırıb.

İlk dəfə 1960-cı illərdə Afrikada tapılmış bəzi skeletlərdə, su mühitində yaşam üçün uyğunlaşma əlamətləri müşahidə olunmuşdu. Skeletlərin barmaq sümüklərindəki qəribə uzantılar, kəllə forması və xüsusilə qulaq quruluşu bəzi alimlərə su altında yüksək təzyiqə uyğun yaşamaq potensialını düşündürmüşdü. Daha sonra İndoneziya sahillərində və Qırmızı dəniz yaxınlığında aparılan qazıntılar zamanı bənzər struktura malik sümük qalıqları ortaya çıxıb. "DogruXeber.tv" tərəfindən əldə edilən araşdırmalarda bu qalıqların bəzilərinin yaşının 10-15 min il arasında olduğu qeyd olunur.

Əfsanələrdə tez-tez rast gəlinən “su adamları”, “deniz adamları” və ya “su pəriləri” kimi varlıqların bəlkə də real tarixi kökləri ola bilər. Qədim Mesopotamiya mənbələrində “Oannes” adlı bir varlıqdan bəhs olunur ki, onun həm balıq, həm də insan xüsusiyyətlərinə sahib olduğu yazılır. Eyni zamanda aborigen Avstraliya mifologiyasında da sualtı insanabənzər varlıqlar barədə hekayələr qorunub saxlanılıb.

Bütün bu məlumatlar və tapıntılar hələ ki elmi çevrələrdə tam qəbul edilməsə də, tarix öncəsi dövrlərdə insanın müxtəlif həyat mühitlərinə uyğunlaşma potensialının düşündüyümüzdən daha geniş olduğu ehtimalını gündəmə gətirir. Əgər bu iddialar təsdiqini tapsa, insan təkamülü və keçmişimizlə bağlı bildiklərimiz kökündən dəyişə bilər.